حوار : مخدر البوفا دمر حياتي. قربت نولي مثلي جنسي. سرقت دارنا باش نشري البلية
توصلنا في جريدة “k36 ” برسالة من شاب فضل عدم الإفصاح عن هويته لأسباب شخصية، اخبرنا انه كان مدمن على مخدر البوفا ودخل في نفق مظلم من المعاناة قبل ان يقرر الولوج لمصحة للعلاج من الادمان، واقترح مشاركة تجربته، فقمنا باجراء حوار قصير ومكتوب معه .
أهلا بك في هذه الدردشة مع موقع “k36” ، كنشكرك لقبولك التحدث معنا اليوم حول القصة ديالك مع إدمان مخدر البوفا.
كيفاش ومتى كانت البداية ديالك مع هاد المخدر؟
بديت تعاطي مخدر البوفا في صيف عام 2021، ملي كانت في عمري 18 سنة وأدرس بالثانوية، في البداية حاولت مرة واحدة بتشجيع من بعض الأصدقاء. من بعد كنت أتعاطاه للتسلية فقط مع الأصدقاء في ايام الويكاند والعطل. لكن بعد شهرين فقط اصبحت مدمن ولات عندي الرغبة الملحة في تعاطي المخدر بشكل يومي. في اقل من سنة لقيت راسي كنخسر فلوسي كاملة وبديت كنخدم باش نقدر نشري المخدر.
شنو هي أبرز الآثار السلبية لي عانيتي منها جراء إدمانك على هذا المخدر؟
الإدمان أثر سلباً على حياتي بشكل عام. تدهور مستواي الدراسي وخرجت من المدرسة، وتدمرات علاقتي مع عائلتي. وصحياً عانيت من فقدان الشهية والأرق وجفاف بالجلد. ومناعتي ولات ضعيفة بشكل ملحوظ، تخيل انني راه تقرييبا كنخسر ازيد من 6000 درهم في الشهر, بعض المرات كنسرق من الدار الفلوس وسرقت لصحابي والاكثر من هادا كنت غادي نولي مثلي جنسي مقابل الفلوس باش نشري المخدر.
كيفاش كنتي اتولي مثلي جنسي مقابل البوفا؟
ملي مبقاوش عندي الفلوس شي صحابي جروني معاهم وكانو كيمارسو الجنس مع الرجال مقابل الفلوس باش يشريو هاد المخدر، في ديك اللحظة لقيت بلي هاد الادمان ممكن يخليك دير اي حاجة.
واش حاولتي تتوقف عن تعاطي المخدر؟
نعم، بعد عامين من الإدمان الشديد حاولت الإقلاع عدة مرات دون جدوى. لكن منذ 6 أشهر بعد المساعدة ديال عائلتي وليت كنتعالج في مركز صحي، دبا وليت كنحس براسي بديت نرجع بنادم، الادمان خلاني كنحس بحال انني زومبي بلا روح .
شنو كتقول للشباب ؟
الله يرحم لكم الوالدين بعدو من البلية اقسم بالله حتى اتكرهو راسكوم البدية كتحسو بالسعادة، من بعد كتوليو تحسو بالاكتئاب ممكن ترتكبو جرائم تندمو عليها حياتكم كاملة وممكن تبيعو شرف عائلتكم مقابل البلية ديال البوفا.
